લોકોમાં ગુજરાતી ભાષાના વધતા જતા વ્યાપને લીધે અમને ખુબ જ આનંદ થાય છે. અમારો એક હેતુ દરેક વ્યક્તિમાં માતૃભાષા માટે પ્રેમ જગાવવાનો છે અને તેને માટે અમે કંઇ પણ કરી છુટવા માટે તૈયાર છીએ. અમારા ધ્યાનમાં એ વાત આવી હતી કે અત્યાર સુધી લોકો યુનિકોડને બદલે બીજા ગુજરાતી ફોન્ટથી પોતાની ગુજરાતી લખવાની મહેચ્છા સંતોષતા હતા. ગુજરાતી ભાષામાં યુનિકોડને લીધે લખવા વાંચવાનું ખુબ જ સહેલું થઇ ગયુ છે પરંતુ જે લોકો ગુજરાતીમાં લખે છે તેમનું અઢળક સાહિત્ય યુનિકોડ સિવાયના બીજા ફોન્ટમાં છે અને તેને યુનિકોડમાં પરિવર્તિત કરવા માટે ઘણો જ સમય લાગે છે. અમે અમારી બનતી મહેનત કરીને એક પ્રોગ્રામ બનાવ્યો છે કે જેમાં વ્યક્તિ Krishna ફોન્ટમાં લખેલું લખાણ યુનિકોડમાં માત્ર આંખના પલકારામાં જ કરી શકે છે. જો કે આ પ્રોગ્રામ ૧૦૦% રૂપાંતર કરતો નથી પરંતુ મહદઅંશે તેને રૂપાંતર કરે છે. આ પ્રોગ્રામ તમે મેઇન મેનુ > સેવાઓ > ફોન્ટ રૂપાંતર > Krishna -> યુનિકોડ પર જઇ જોઇ શકો છો. આપના પ્રતિભાવ અમને આવકાર્ય છે.

ગુર્જરદેશ ટીમ